Ein to timars diskusjon enda med eit solid fleirtall for å leggja bybanetraséen frå Bergen sentrum mot Åsane, under jorda.
Representantskapet i Arbeidarpartiet i Bergen var torsdag kveld samla for å ta stilling til bybanetraseen mellom sentrum og Åsane. Det var fullsett sal på konferansehotellet ved sidan av Folkets hus i Bergen sentrum. 110 personer i salen kunne røysta i saka. 10 var ikkje lenger tilstades då avstemminga gjekk føre seg.
LES OGSÅ:
Utsettjingsforslag
Det vart tidleg i møtet reist framlegg om å utsetja vedtaket, for å venta på eventuelle nye svar og utgreiingar frå byrådet. Onsdag
.Både gruppeleiar Harald Schjelderup og leiar i Arbeidarpartiet i Bergen Marte Mjøs Persen åtvara representantskapet mot dette.
Utsetjingsforslaget fall mot to røyster.
– Bryggen er ikkje fortettingsområde
Førstemann på den fullspekka talarlista Eigil Knudsen opna diskusjonen med å appelera om at det bør byggjast tunnel under Bryggen.
– Det er ikkje i verdsarvområdet me skal fortetta byen, derfor bør me legga Bybanen i tunnel under Bryggen, sa Knudsen som er vararepresentant til Stortinget.
– Bryggen er ein av dei få plassane i byen at ein har open og fri tilgang til sjøen, det må me halda på, sa Veslemøy Gullaksen, som sidan 70-talet har håpa på skinnegåande transport til Åsane.
Kan bli ein lang kveld
Gruppeleiar Harald Schjelderup, som og støttar tunnelalternativet, tok til motmæle mot dei som har stempla tunneltilhengarane som den "nye asfaltalliansen".
– Du er like for Bybanen anten du ønskjer tunnel eller å gå langs Bryggen, også me ønskjer å få biltrafikken vekk frå sentrum, sa Schjelderup.
Like før klokka 20 opplyste leiar Marte Mjøs Persen om at kvelden vil verta lang. Ut i frå talarlista opplyste ho om at møtet i alle fall ville vara i ein time til.
– Synlegheit, synlegheit, synlegheit
Første Bryggen-tilhengar på talarstolen var Arthur Rasmussen frå partiet sitt lokallag i Åsane.
– I Åsane vil me ha ei synleg Bybane for at fleire skal reisa med Bybanen. Då er det rart at me ikkje skal ha det og i sentrum, sa Artur Rasmussen, frå partlaget til Ap i Åsane.
Då la Arbeiderparti-politikar, Roger Valhammer ut følgjande melding på Twitter:
«Så langt kun 1 taler for Bryggen, alle andre for tunnel. Men talerlisten tyder på at Bryggen-folkene kommer mot slutten. »